Иако според сите нутриционистички совети пржената храна треба комплетно да се избегнува (или барем да се сведе на минимум), понекогаш пак и треба да си го „направите ќефот“.
Пржењето најлесно се одвива во фритеза, но доколку не ја поседувате еве што треба да направите за правилно (плитко) пржење на храната во тава.
- Бидете сигурни дека маслото е доволно згреано – тоа треба веднаш да почне да крчка штом храната дојде во контакт со него.
- Загревајте ја тавата на средна топлина, а не на најјако – потребно е маслото да ја постигне вистинската температура помеѓу 175 - 190 °C, но не пребргу
- Храната што ќе ја пржите нека биде на собна температура – ова го спречува ладењето на маслото кога таа ќе дојде во контакт со него
- Користете масло со висока точка на загревање пред да почне да чади. Вакви масла се оние од семки од грозје, авокадо или шафран, бидејќи имаат неутрален вкус. Некои дури препорачуваат и користење на маслиново масло, но полно нутриционисти и готвачи не се согласуваат со тоа.
- Не дозволувајте маслото да почне да чади – вашата храна нема да се испржи рамномерно, и ќе има горчлив вкус на загорено.
- Не користите премногу масло – почнете со малку, па по потреба додавајте за време на готвењето.
За (плитко) пржење без фритеза, најдобро е да се користи голема тава од леано железо или нерѓосувачки челик, а никако тава со нелепливо дно – таквите тави предизвикуваат маслото да почне да набабрува, и не се дизајнирани за готвење со високи температури.