Ова е торта, која што е како создадена за сите оние ситуации, кога посакувате да приготвите нешто што е лапни - голтни.
Потребни состојки:
- 1 кг. бисквити
- 1 л. слатка павлака
- 6 јајца
- 10 лажици шеќер
- 3-4 лажици капучино
- 1 лажица какао
- 200 мл млеко
Начин на подготовка:
Најпрво изматете ја слатката павлака во цврста пена (матете околу 7-8 минути). Потоа ставете ја во ладилник и во друг сад изматете ги јајцата со шеќерот и матете околу 5-7 минути додека не се направи убава воздушеста смеса.
Соединете ги двете смеси, во садот со изматената слатка павлака додадете ги изматените јајца и промешајте убаво со шпатула. Додадете го и капучиното и повторно измешајте. Оставете убаво да се стегне филот во ладилник (околу 1 час, но најубаво е 2-3 часа)
Млекото и какаото ставете ги во сад и загрејте ги додека какаото убаво не се вмеша во млекото.
Бисквитите една по една натопете ги во чоколадното млеко и редете ги во садот каде што ќе ја сервирате тортата. Откако ќе го наредите првиот ред со бисквити, ставете од филот, потоа продолжете со ред бисквити, па ред фил и се така додека не го потрошите филот и бисквитите.
На крај премачкајте со фил и декорирајте со какао.
Повеќе рецепти од кујната на Давор пронајдете на неговата FB страна Dave’s Kitchen.