Уште ова ни фалеше: Kit Kat суши

Јапонската кујна, постојано нѐ изненадувала со специјални рецепти. Многумина од нас ги обожаваат нивните рецепти за суши и постојано одат во јапонски ресторани токму поради тоа.

Но, овој пат, тие се искачија на повисоко ниво, она кое што не би ви текнало дека е возможно. Станува збор за чоколадо и суши. Како ви звучи?

Во Токио се отвара специјална продавница на KitKat, каде што ќе има уникатни суши со слатки и пикантни вкусови, односно Maguro (туна), Tamago (јајца) и Uni (морски еж).

Вкусот со туна на врвот ќе се зачини со KitKat чоколадо со вкус на малина, јајцата ќе бидат зачинети со чоколадо со вкус на тиква, додека пак сушито од морскиот еж ќе биде со KitKat вкус на диња и кашкавал.

Најверојатно овие измешани вкусови на суши воопшто не ви изгледаат вкусно, но да оставиме Јапонците да ги пробаат и да ги видиме нивните реакции.