Ако не знаете што да подготвите за појадок овој викенд, ви нудиме неверојатно вкусен оброк, кој сите ќе го обожаваат. Освен што е превкусен, овој оброк е и многу здрав, затоа што се подготвува со цвекло, кое содржи многу железо, фолна киселина и витамин С.
Потребни состојки:
- 4 парчиња леб
- 2 чешчиња лук, исечкани на ситно
- 400гр варено цвекло, исечкано на тенки парчиња
- 200гр сирење, исечкано на тенки парчињa
- сол и бибер
- маслиново масло
Начин на подготовка:
Попржете ги лепчињата во тава со загреано масло, додека не ја постигнете посакуваната потпеченост, но само на едната страна на лебот. Онаа страна која не е препржена, поминете ја со лук и со маслиново масло.
Загрејте ја рерната на 180°С. На страната од лебот која сте ја намачкале со лук, ставете парчиња цвекло и сирење, посолете ги и ставете ги во рерна додека не се растопи сирењето. Консумирајте ги топли.