Имате проблем со високиот крвен притисок? Наместо да „клукате“ најразлични апчиња за да го регулирате обидете да воведете мали промени во својата исхрана.
Какао
Прашокот од 100% какао содржи флаваноли – антиоксиданси со растително потекло кои го намалуваат крвниот притисок така што ги шират крвните садови, овозможувајќи непречен проток на крвта.
Спанаќ
Овој зеленчук содржи 3 состојки кои го намалуваат крвниот притисок – калиум, фолна киселина и магнезиум.
Калиумот помага при испуштање на натриумот (солта) и течностите од телото со што се намалува притисокот. Магнезиумот ги релаксира тенките крвни садови, одржувајќи им ја еластичноста и нормалниот проток на крвта, додека фолната киселина (витаминот Б9) помага во разградувањето на хомоцистеинот, аминокиселина која има потенцијал да ги оштетува внатрешните ѕидови на артериите.
Лук
Лукот не само што додава вкус на јадењата, туку и го намалува крвниот притисок поради големата концентрација на алицин – состојка која одржува здрава поставата на крвните садови, чие оштетување може да доведе до хипертензија, покрај други болести.
Тиква
Тиквата е преполна со калиум, чии ефекти веќе ги споменавме. Покрај вообичаеното нејзино спремање со печење во есенскиот период, од неа можете да правите слатко, смутија, ќофтиња и што уште не.