Dave’s Kitchen: Ќофтиња со тиквичка

Сите сакаме убаво приготвени ќофтиња од тиквичка, но овие на Давор едноставно се посебни. Кој нема идеја за ручек, топло препорачуваме да го испроба овој рецепт.

Потребни состојки:

• 10-тина лажици брашно
• 1 тиквичка средна големина изрендана ситно
• 1 мала главица кромид рендана ситно
• 1 јајце
• 1 среден морков излупен и изрендан
• 1/2 свеж квасец
• свеж магдонос по желба
• сол, црн пипер
• маслиново масло

Начин на подготовка:

Во сад оставете 1 час да се исцеди изренданата тиквичка. Пред да продолжите со рецептот во рацете убаво истискајте ја со цел да излезе целата течност од неа. Додадете го изренданиот морков и кромид. Ставете ги јајцето, квасецот, зачините, магдоносот и малку маслиново масло.

Промешајте ја убаво смесата и додадете го брашното.

Оставете смесата да отстои околу 1 час и со лажичка или алатка за сладолед правете топчиња и директно ставете ги во врело масло за јадење да се пржат на средна температура.

Добар апетит!

Повеќе рецепти од кујната на Давор пронајдете на неговата FB страна Dave’s Kitchen.