Некои сакаат да јадат луто, некои не, а некои пак сакаат но не им е дозволено поради одредени проблеми со дигестивниот тракт.
Во секој случај, истражувањата сугерираат дека јадењето на луто зачинета храна има големи придобивки за здравјето – на пример, една опсервациска студија покажала дека од 16 200 возрасни американци во период од 6 години, оние кои јаделе лути пиперчиња најмалку еднаш месечно имале за 13% намален ризик од смрт предизвикана од срцево заболување или мозочен удар. Еве кои се придобивките:
1) Лутата храна помага при губење на килограмите
Капсицин – компонентата која го дава лутиот вкус на пиперчињата – му помага на телото да го претвори белото масно ткиво во кафено, кое се смета дека влијае на поефикасно согорување на калории во однос на белото.
2) Мажите кои јадат луто имаат покачен тестостерон
Покрај тоа што одредени истражувања покажале дека мажите кои јадат лута и зачинета храна имаат повисоки нивоа на тестостерон, нивната наклонетост кон капсицин била поврзана и со доминантно однесување, преземање ризици и агресија.
3) Капсицин помага за регулирање на нивото на шеќер во крвта
Според студија објавена од Американскиот журнал за клиничка исхрана, додавање на лути зачини во храната може да го спречи покачувањето на шеќерот во крвта (особено кога се внесуваат карбохидрати), што е особено корисно кај индивидуите со тип 2 дијабетес.