Верувале или не, во одредени делови од светот некоја храна се забранува да се консумира.
Без разлика дали станува збор за некој производител или пак за некоја состојка која се состои во тој продукт, според нас, забраната на одредена храна е апсурдна. Сепак, да не носиме заклучоци пред време, бидејќи секоја земја си има свои прописи за увоз на храна. Која храна е забранета во некои држави од светот?
Кавијарот е забранет во Америка – токму во САД се забрани консумирање на кавијар, затоа што белугата (рибата од која што се прави кавијарот) е вид во изумирање. Сепак, истата може да ја најдeте во изобилство во Санкт Петербург, Русија.
Лососот е забранет во Австралија и Нов Зеланд – според стандардите на овие две земји, лососот може да содржи одредени состојки кои не се природни, како и антибиотици и други хемии за зголемување на изгледот.
ГМО папаја е забранета во поголемиот дел од Европските земји – во земјите во Европа, храната која е генетски модифицирана мора да биде означена, но тоа не значи дека не е и забранета. Во одредени земји оваа храна не смее ни да се увезе, а камо ли да се консумира.
Непастеризираното млеко е забрането во 22 американски земји и во Канада – во овие земји дури и постои закон со кој се забранува употребата на непастеризирано млеко, бидејќи според властите, ова млеко може да шири листериоза, Ешерихија коли и многу бактерии.
Гумените бонбони се забранети во Велика Британија – одредени гумени бонбони кои содржат коњак се забранети за продажба во Британија, поради тоа што се опасни за децата. Сепак, може да се најдат илегално.
Сирови бадеми забранети во Калифорнија – Калифорнискиот закон ги забрани сировите бадеми да се јадат или да се продаваат поради висок ризик од салмонела, која може да предизвика треска, дијареја или проблеми со стомакот и цревата.
Гуми за џвакање забранети во Сингапур – да и ова го има! Сепак, гумите за џвакање се забранети во оваа земја поради чистота, бидејќи луѓето постојано ги фрлале на земја.
Апсинтот е забранет во Франција, САД, Нов Зеланд и Австралија – овој пијалак, кој потекнува од Франција уште пред 100 години, ја стимулира креативноста, но предизвикува халуцинации и агресивно однесување, па токму поради тоа е забранет да се консумира во одредени земји.
Kinder чоколадните јајца се забранети во САД – и тоа токму поради тоа што Американските власти сметаат дека играчката во чоколадното јајце содржи хемикалии кои се опасни.