Почувствувајте го мирисот на Италија во вашиот дом. Направете ја оваа затворена пица веднаш.
Потребни состојки:
- 500 гр. брашно
- 250 мл. млако млеко
- 1/2 квасец
- прстофат сол
- 1 лажица шеќер
- 1 јајце
За филот:
- Доматен сос
- Рендан кашкавал
- Сецкана шунка
- Сецкани печурки
Начин на подготовка:
Од сите овие состојки замесете убаво меко и глатко тесто. Оставете да нарасне околу 60-тина минути на собна температура. Размесете го и поделете го на 4 еднакви делови. Од секое делче расукајте округла форма како за пица.
Ставете од филот и едната половина превиткајте ја врз другата. Краевите на тестото превиткајте ги и притиснете со прстите за да не се отвори при печењето. Одозгора премачкајте со изматено јајце и нанесете сусам. Печете на загреана рерна од 180 степени околу 18-тина минути.
Повеќе рецепти од кујната на Давор пронајдете на неговата FB страна Dave’s Kitchen.