1) Бојата на обвивката зависи од видот на кокошката која го положила
Кокошките со бели пердуви обично несат бели јајца, а оние со црвени пердуви несат кафеавкасти јајца.
2) Бојата на жолчката зависи од исхраната на кокошката
Жолчка со темно жолта боја значи дека кокошката претежно консумирала зеленчук, додека светло жолтата боја индицира на исхрана составена претежно од пченица и јачмен.
3) Староста на кокошката влијае на големината на јајцата
Колку кокошката е постара, толку јајцата кои ги несе се поголеми.
4) Изобилуваат со хранливи состојки
Јајцата се богати со Омега-3 масни киселини, цинк, Б витамини, јод и холин, кој има важна улога во развојот на мозокот и во подобрувањето на меморијата.
5) Ако јадете тврдо варени јајца, користете постари
Јајцата кои се постари од 10 дена се најдобар избор доколку ги спремате тврдо варени. Свежите јајца се многу потешки за лупење.