Калиумот е минерал кој ги регулира нивоата на течностите во организмот и помага при контракцијата на мускулите, а се препорачува негов внес од околу 4700mg дневно.
Недостаток од калиум предизвикува мускулна слабост, промени во расположението, па и гадење и повраќање. Еве која храна е богата со овој минерал:
1) Тиквa
Една тиквичка содржи скоро 1500mg калиум, и само 172 калории. Може да се спрема на разни начини – со печење, додавање во салати, или правење на вкусно пире.
2) Прокељ
Една шолја од овој зеленчук содржи 342mg калиум, а прокељот може да се обарува или пече. Вкусот му е одличен доколку му се додаде лук во прав, а љубителите на слатко можат да додадат и кафеав шеќер.
3) Црвен грав
Една шолја црвен грав содржи дури 2600mg калиум и 46g протеин, што го прави задолжителен за скоро секој режим на исхрана.
4) Леќа
Леќата е богата со протеин, железо, фолати, и калиум (731mg во една шолја).
5) Компири
Еден среден бел компир, со кожа, содржи 751mg калиум. Тој е еден од најдобрите извори на овој минерал, особено кога ќе се земе во предвид разновидноста на начините на кои што може да се спреми.
6) Лубеница
Покрај големото количество вода, две шолји парчиња од лубеница содржат 340mg калиум.
7) Спанаќ
Без разлика дали се јаде свеж или зготвен, потребно е редовно да се внесуваат големи количини на спанаќ, кој содржи 334mg во неколку шолји. Покрај калиумот, богат е и со растителни влакна, што го прави одличен додаток во разни смутија.
8) Банани
Една банана содржи 422mg калиум, и иако често се вели дека тие се негов најдобар извор, во споредба со останатата храна која ја споменавме не се ни блиску.