Вообичаениот пост-тренинг пијалок е протеинскиот шејк. Но, постојат и други пијалаци кои ем ќе ве освежат, ем ќе ви помогнат во опоравувањето. Дел од нив се:
1) Сок од цреши
Одредени студии сугерираат дека тркачите кои пиеле сок од цреши два пати дневно (710ml вкупно) една недела пред трка на голема далечина, имале значително помали болки во екстремитетите во споредба со контролната група која не го пиела. Ваквиот сок помага при опоравување на мускулите, поради моќните антиоксиданси во него.
2) Чоколадно млеко
Чоколадното млеко не е само за деца – напротив, разни студии секојдневно ги докажуваат придобивките од ваквото млеко во однос на опоравувањето по тренингот. Причината за тоа е што овој пијалак комбинира јаглехидрати и протеини, а протеинот од сурутка кој го содржи во себе ја има аминокиселината леуцин, која помага при создавањето на мускули.
3) Јаворова вода
Јаворовата вода е вид на хидратација која е исто така и јаглехидрат, така што доколку ја пиете по тренингот, ќе помогне за нормализирање на шеќерот во крвта кој е потрошен за време на вежбањето. Што и да внесувате во себе по тренинг, водете грижа односот на количината јаглехидрати и протеини да е 2 или 3 према 1.