Се смета дека дневната доза на овој витамин е 600UI (интернационални единици), но како да дојдеме до нив и зошто тој е толку важен за нашето здравје?
Телото најголем дел од витаминот Д го добива од сончевата светлина (ултравиолетовите Б зраци), а откога ќе го процесира, хемикалијата во која го конвертира, наречена 25(OH)D се распространува низ телото каде се активира да ги врши двете главни функции: управување со калциумот во крвта, коските и стомакот и асистирање со интерклеточната комуникација.
Покрај овие две, витаминот Д врши и многу други функции: му помага на телото да го апсорбира калциумот, промовира растење на коските, помага во борбата против депресија и намалување на тежината и го редуцира ризикот од мултиплекс склерозата, срцеви заболувања и грипот.
Бидејќи не секогаш има сонце, а и во поново време сè помалку излегуваме од дома и се движиме на отворено, внесувањето на овој витамин преку храната е по конзистентно и сигурно решение, со кое исто така се избегнува ризикот од изгореници од сонцето или рак на кожата.
Еве која храна е богата со витаминот Д:
1) Туна од конзерва
Овој тип на туна содржи 236UI во една конзерва од 100gr. и воедно е одличен додаток во салати комбинирана со разни продукти (марула, авокадо, краставици и сл.),
2) Засилени млечни производи
Млечните производи природно не содржат значителни количини на витаминот Д, но со нивно зајакнување таа количина е зголемена на 34% од дневната потреба.
3) Скуша
Кога витаминот Д е во прашање, нема подобар извор од скушата. Оваа голема, масна риба има сличен нутритивен профил како туната, но има помалку жива од неа. 115gr скуша има и повеќе од потребната дневна доза од витаминот, полна е и со омега-3 и омега-6 масни киселини како и протеин, а помага и за намалување на крвниот притисок кај мажите.
4) Млеко од соја
За вегетаријанците, веганите и оние кои имаат неподносливост на лактоза, најдобар начин за внес на дневната доза витамин Д е преку зајакнато млеко од соја. Тофу сирењето, е исто така вообичаено зајакнато со витаминот.
5) Див лосос
Сто грама див лосос содржи 988UI, во споредба со оној домашно одгледуваниот кој содржи 25% помалку од тоа. Покрај витаминот Д, лососот е одличен извор и на омега-3 масните киселини, селен и протеини.