Циметот е сушена кора од билката cinnamomum verum и една малечка лажичка мелен цимет содржи само 6 калории, но големи дози на манган, минерал кои ги активира клучните ензими низ телото.
Неговите придобивки не запираат тука – тој содржи и и активни полифеноли слични на оние кои ги има во чаевите. Компонентите на циметот функционираат како антиоксидантни и анти воспалителни агенти, а се добри и за регулирање на инсулинот.
Една од најпознатите придобивки на циметот е неговата улога во редуцирање на шеќерот во крвта. Според одредени студии, луѓето кои додавале цимет во појадокот имале намалено ниво на шеќер во крвта два часа по јадењето, во споредба со оние кои јаделе храна без цимет. Зачинот исто така може да обезбеди когнитивни подобрувања, што било објавено во студија со која се покажало дека луѓето со високи нивоа на шеќерот во крвта кои консумирале цимет имале подобра меморија од оние кои тоа не го правеле.
Друга студија, пак, покажала дека малечка количина на цимет – помала од четвртина мала лажичка – функционира подобро од плацебо за ослободување од менструалните грчеви.
Заклучокот е дека циметот треба дефинитивно да стане дел од вашата исхрана, особено поради тоа што може да се додаде скоро на сè – и на слатки и на солени јадења, во вода, чај, јогурт, врз овошје или овошни салати, врз житарици, врз урда, во маринади за месо или пак при готвење на истото.