Морските плодови се извор на есенцијални аминокиселини, а воедно и на омега-3 масни киселини кои влијаат поволно на здравјето на срцето и целокупниот кардиоваскуларен систем. Но, тоа не е единствената причина поради која би требало почесто да консумирате морска храна.
1) Таа е одличен извор на протеини...
За градење и заздравување на мускулите, потребна ни е храна богата со протеин. Морската храна е полна со хранливи материи, а има малку калории. Изобилува со многу протеин, но и состојки како цинк, Б витамини, селен, холин, фосфор, бакар, витамин Д и витамин Е.
2) И на хем железо
Предноста на консумирање протеин од животински извор е присуството на хем железото, кое е повеќе биорасположиво од не-хем железото од растителните протеини. Тоа значи дека ова железо, кое игра важна улога во преносот на кислород во крвта, подобро и побрзо се апсорбира од извори како морската храна, а остригите, школките, лососот и туната се најбогати со него.
3) Најдобро е да се јаде разновидна морска храна
Разновидната исхрана составена од морска храна ќе ви овозможи пристап до најважните хранливи состојки, притоа минимизирајќи ја изложеноста на жива, која ја има во овој вид на храна. Се препорачува таа да е дел од исхраната барем 2-3 пати неделно во порции од по 85-115gr, а доколку сте загрижени за внесот на жива, тогаш се препорачува да јадете лосос, ракчиња, туна, бакалар или сом.
4) Го намалува ризикот од срцеви заболувања
Морската храна е богата со масти кои го прават срцето поздраво. Од овие незаситени масти, таа е најдобар извор на Омега-3 – „добрите“ масти кои го зголемуваат HDL холестеролот и го намалуваат нивото на триглицериди и на талогот во крвните садови кој може да предизвика блокади на дотокот на крв во срцето. Најбогати со Омега-3 се лососот, сардината, скушата и туната, па обидете се тие да бидат редовен дел од вашата исхрана.
5) Резултира со позитивно здравје на новороденчињата
Внесувањето на Омега-3 за време на бременоста е докажано дека игра важна улога во развојот на детето пред раѓањето, особено за очите и мозокот. Бремените жени како и доилките треба редовно да внесуваат морска храна, избегнувајќи ја онаа која има повисоки нивоа на жива.