Следниот рецепт е од оние што народски би ги нарекле лапни –голтни. За неговото приготвување ќе ви бидат потребни следните состојки:
- 2 јајца
- 1 чаша шеќер (чашата да биде од 2дл, со истата чаша мерете ги и другите состојки)
- 1/2 чаша јогурт
- 1/2 чаша масло за јадење
- 1/2 печиво
- 1 1/2 чаша брашно
Начин на подготовка:
Во миксер изматете ги јајцата и шеќерот додека не се добие убава хомогена смеса. Потоа додавајте ги јогуртот, маслото за јадење печивото и брашното. Изматете убаво да не останат грутки.
Смесата се претура во подмачкано тавче и одозгора се става овошје по желба. Можете да користите капини , но може да се направи и со јагоди, вишни, малини, цреши,боровинки... Се пече на 200 степени околу 30-тина минути или додека не добие убава златно кафена боја. Проверете со чепкалка и доколку не остануваат траги на чепкалката, извадете го од рерна. Се остава да се олади и се сечат коцки, одозгора се декорира со шеќер во прав.
Добар апетит и забавно готвење!
Повеќе рецепти од кујната на Давор пронајдете на неговата FB страна Dave’s Kitchen.