Во чест на претстојните велигденски празници, пригответе прекрасна и превкусна Велигденска погача.
Потребни состојки:
- 1 кгр. брашно
- 1/2 квасец
- 3 белки
- 100 мл масло за јадење
- 400-450 мл. млако млеко
- Сол
- 3 лажички шеќер
- Семиња по вкус за декорација
- 1 жолчка за премачкување
Начин на подготовка:
Замесете тесто од сите состојки освен од семињата и жолчката. Оставете го тестото да стаса околу 1 час на собна температура.
Поделете го на три еднакви делови. Од едниот дел расукајте „црево“, или ролат во големина колку што е тепсијата и ставете го во тавчето за печење близу рабовите на тавчето, претходно премачкано.
Вториот дел од тестото поделете го на половина, повторно оформете црево, ролат и ставете го до првиот ролат во округла форма. Од другиот дел оформете топче и ставете го во средина на тестото.
Третиот дел од тестото поделете го на половина и од едната половина исечете 4 парчиња, секое расукајте го во округла форма големо колку чинија и премачкани со путер помеѓу секое, ставете ги едно врз друго. пресечете ги на 8 еднакви делови.
Секој триаголник засечете го во средина и врвот протнете го во засечениот дел формирајќи крак.
Постапката повторете ја и со другата половина од тестото така што ќе оформите 16 краци. Наредете ги сите краци од тестото низ погачата со врвите нагоре и оставете да стаса околу 20 минути. Премачкајте ја погачата со жолчка и нанесете ги семињата. Печете на 180 степени околу 35 минути.
Повеќе рецепти од кујната на
Давор пронајдете на неговата FB страна
Dave’s Kitchen.