Како што старееме, така и нашиот метаболизам се забавува. За да го одржуваме во добра форма, покрај постојаниот режим со вежбање потребно е и да внесуваме храна која помага во неговото одржување и пролонгирање.
Еве неколку видови храна која согорува калории, истовремено заситувајќи не.
1) Бадеми
Луѓето се можеби скептични околу тоа како бадемите помагаат на метаболизмот поради големиот број на калории и масти кои ги содржат, меѓутоа тие се исклучително богати со протеин (15 грама во половина шолја), влакна (8 грама во половина шолја), како и здрави маснотии неопходни за подобрување на метаболизмот.
2) Авокадо
Aвокадото е една од „чудотворните храни“ на природата, бидејќи се преполни со некои од најдобрите хранливи состојки за телото, вклучувајќи ги влакната, неколку витамини, глутатион, лутеин, и фолати.
Уште една важна состојка е и карнитинот, супстанца во телото која е есенцијална за создавање на енергија и одржување на висок метаболизам.
3) Брокула
Брокулата е полна со витамин Ц и калциум, важни состојки за подобрување на метаболзимот. Витаминот Ц асистира на тоа со согорување на 30% повеќе масти при вежбање, а студии покажале дека 1000 милиграми калциум придонесуваат за намалување на внесот на масти и подобрување на метаболизмот кој ги топи.
4) Темно чоколадо
Какаото од темното чоколадо содржи флавоноиди кои го подобруваат метаболизмот преку намалување на стресот.
5) Лути пиперки
Лутите пиперки содржат капсиноид, хемикалија која го тера телото физички да работи појако за да согорува калории. Штом се консумира, оваа хемикалија испраќа сигнал до хормоните, и се зголемува срцевиот притисок. Како резултат, дишеме побрзо, што предизвикува согорување на повеќе калории.
6) Лосос
Одличен извор на омега-3 масните киселини, лососот го подобрува метаболизмот преку намалување на стрес хормоните и нивото на шеќер во крвта.
7) Спанаќ
Зеленчуците како што е спанаќот кој е богат со железо се есенцијални за клеточната метаболична енергија. Тие исто така содржат голема количина влакна, кои предизвикуваат телото да троши повеќе енергија во процесот на нивното варење.