Оваа недела Давор ни приготви вкусни мини погачи. Рецептот за истите следи во прилог.
Потребни состојки:
- 250 гр. брашно
- 60 гр. путер
- 1 чаша (од 150 мл) кисело млеко
- 1 лажичка сол
- 1 кесичка прашок за печиво
- 1 јајце за премачкување
- Сусам, лен или афион
Начин на подготовка:
Путерот измешајте го со брашното за да добиете покрупни трошки. Додадете го киселото млеко, солта и печивото. Промешајте и замесете убаво меко и глатко тесто. Оставете да одмори 15 минути на страна.
Расукајте го тестото во кора дебела околу 1 см. Со помош на мала чашка сечете кругови и ставете ги во вашето тавче обложено со хартија. Премачкајте ги со јајце и нарусете сусам, лен или афион. Печете ги на загреана рерна од 180 степени околу 20 минути.
Повеќе рецепти од кујната на Давор пронајдете на неговата FB страна Dave’s Kitchen.