Ако често ви останува пире од компири, кое не сакате да го фрлате, имаме одличен рецепт. Направете крцкави полнети компирчиња и воодушевете ги вашите домашни.
Потребни состојки:
- 800гр ладно пире од компири
- 100гр млад кромид
- 150гр исечкана сланина
- 1 мала лажица лук во прав
- ½ мала лажица црн пипер
- 2 јајца
- едно парче чедар сирење
- брашно и лебни трошки
- масло за пржење
- сол по желба
Начин на подготовка:
Испржете ги ситните парчиња сланина, па измешајте ги со ладното пире од компири, исечете го кромидот, додадете 1 јајце, лук во прав и црниот пипер. Измешајте ја добро смесата.
Од добиената смеса обликувајте топчиња, а во средината на секое топче додавајте коцка сирење. Откако ќе ја завршите оваа постапка, коцките панирајте ги во брашно, па во изматено јајце, па во лебните трошки. Панираните топчиња ставете ги во фрижидер да се стврднат.
Потоа во тава ставете масло да се загрее и пржете ги топчињата додека не заруменат на сите страни. Откако ќе ги испржите сите топчиња, ставете ги во претходно загреана рерна околу 5 минути на 200°С. Консумирајте ги со некој сос.