Додека купуваме риба често размислуваме дали има некои непотребни состојки, дали ќе избереме здрава и свежа риба... Многу продавачи на риби не ни се сигурни, па токму затоа си ги поставуваме овие прашања. Но, во денешно време не треба да се загрижуваме за тоа дали рибата е подобра од оние кои ја продаваат на црно или во продавница, бидејќи на ниту една не и загарантиран квалитетот.
Кои риби да ги изберете?
Туна: риба богата со хранливи состојки. Содржи омега 3 масни киселини кои се добри за холестерол и крвни садови. Овие киселини помагаат при превенција од депресија и дебелеење, бидејќи предизвикуваат излачување на лептин – хормон заслужен за метаболичните процеси. Богата е со витамин В12, В6, витамин Е, како и калиум, фосфор, магнезиум, селен, калциум, железо, цинк, бакар и манган.
Сом: како речна риба, богата е со протеини, витамин В12, манган, магнезиум, фосфор и селен.
Школки: одличен извор на омега 3 масни киселини, витамин В, железо, магнезиум, калиум, витамини С и А.
Бакалар: содржи калциум и железо и има многу малку масти. Богат е со омега 3 масни киселини и витамин D, кој е одличен за децата.
Знаци кои укажуваат на тоа дека не треба да ја купите рибата:
Цената е многу ниска: цените на рибата се исти во текот на целата година, затоа внимателно читајте ја декларацијата
Земја на потекло: прочитајте од каде потекнува рибата која сакате да ја купите. Секогаш избирајте ги оние кои се од некој регион од близина, бидејќи сигурно се посвежи од оние кои се носени од разни краишта во светот.