Дали сте знаеле дека голем дел од зеленчуците кои секојдневно ги јадете може повторно да ги израснете и тоа во сопствениот дом?
Овој процес не е премногу комплициран и не бара преголем простор, а ќе заштедите некој денар на храна.
Еве што сè може без потешкотии да израснете дома:
1) Марула
Доволно е само коренот од марулата да го закопате во саксија и да ја поставите изложена на доволно сончева светлина. Со доволно вода, за кратко време од него ќе почнат да растат нови листови.
2) (Стар) кромид
Исечете го долниот дел од кромидот и оставете го да се исуши неколку дена. Потоа, во саксијата направете вдлабнатина во која што ќе го поставите исушеното крајче кое треба да го покриете со земја.
3) Босилек
За да израснете босилек, од ¾ од гранчето тргнете ги лисјата и поставете го во чашка со вода, која треба да се менува на неколку дена. Откога ќе порасне околу 5 сантиметри, треба да го закопате во земја и да го растете како и сè друго.
4) Целер
Базата на целерот потопете ја во вода 3 дена, а откога ќе почнат да растат листови преместете ја во сопствена саксија со земја.
5) Млади кромитчиња
Доколку врвовите ги потопите во вода, за околу 10 дена зелените листови ќе почнат повторно да растат.
6) Лук
Големи се шансите некое од лукчињата кои ги имате дома да е веќе изртено – затоа, нареден пат кога ќе забележите такво, ставете го во чашка со вода која го покрива долниот дел од чешнето.
7) Сладок компир
По дома можете сами да си растете слатки компири со тоа што ќе ги ставите во тегли со вода, и откога на долниот дел ќе почнат да ‘ртат корењата, отстранете ги од компирот и засадете ги во земја.
8) Ананас
Скоро секој од нас ги фрла лисјата од свежиот ананас, а токму тие се клучот за растење на ова овошје. Процесот е стандарден – круната со листовите потопете ја во вода, и откога ќе почне да ‘рти после некои 3 недели, засадете ја во почва за да по неколку месеци добиете нов ананас.