Често ни се случува да отвориме кесичка чипс за да грицкаме додека гледаме серија или филм. Сето тоа е во ред, додека не почне да ви се случува многу често. Тогаш таа навика не е убава и доведува до дебелеење и здравствени проблеми. Пред да посегнете по некои грицки, поставете си ги следните прашања:
Кога последен пат сте јаделе?
На многумина ни се случило многу брзо да огладниме по појадокот. Но, тоа нема врска со здравјето, туку со храната која ја консумирате. Обично по секој оброк, треба да поминат најмалку 2-3 часа.
Сепак, ако оглднете за еден час, значи дека сте јаделе нешто што не ве заситува. Храната богата со влакна и протеини подолго се вари и на тој начин подолго ве држи сити. Затоа, размислете за тоа пред да јадете. Може да консумирате салата со пилешко месо, кисело млеко со боровини или лосос со свеж зеленчук.
Дали сте раздразливи?
Американците го смислиле зборот „hangry“ кој е комбинација од hungry како гладен и angry како лут. Следниот пат, кога ќе се чувствувате лошо и раздразливо, размислете за тоа кога последен пат сте јаделе. Грчењето во стомак, нервозата и главоболката се јасен знак дека е време за оброк.
Дали сте жедни?
Многу луѓе мислат дека се жедни, а се всушност гладни, па токму затоа, тешко е да препознаат дали им се јаде или им се пие. Затоа, испијте голема чаша вода и почекајте 10 минути. Ако гладот исчезне, тогаш знаете дека сте биле само жедни.
Дали сте под стрес?
Ако сте посегнале по чипс бидејќи ви се приближува некој рок за работа или поради проблемите со вашиот сакан, тогаш ќе го познаете тоа чувство дека јадете само поради тоа што сте под стрес. Без оглед што ви изгледа дека тоа ве опушта, сепак тоа не е начин за смирување. Потрудете се да трчате, да медитирате или правете нешто што ќе ве опушти (не јадење чипс!)