Калциумот е минерал кој е важен за здрави коски и мускули, правилна функција на мускулите, пренос на податоци низ нервите и излачување на хормони. Но, иако најпознат и најкористен, млекото не е единствен негов извор.
Повеќето возрасни (19-50год.) имаат потреба од 1000 милиграми калциум дневно, а кај жените над 50год. таа изнесува 1200 милиграми. За жал, повеќето жени внесуваат само околу 750, а хроничниот недостаток на калциум може да доведе до остеопороза.
Една 230ml чаша млеко содржи во просек 300 милиграми калциум, а еве кои други видови на храна се исто така богати со него:
1) Бадеми
Шолја бадеми содржи околу 320мг, а покрај тоа богат е и со влакна и витамин Е.
2) Суви смокви
Една и пол шолја суви смокви има 362мг калциум, и се одлични за додавање во овесна каша со јогурт, или во разни салати.
3) Кељ
Овој зеленчук не само што е во мода периодов па сите го консумираат, туку е и преполн со калциум – кога е зготвен, 2 шолји од него содржат 359мг од минералот.
4) Тофу
Некои компании кои произведуваат тофу користат калциум сулфат за да се згрутчи млекото од соја, што му дава цврста текстура. Бенефитот од ова е што крајниот продукт има многу калциум – 300мг во 170 грама.
5) Сок од портокал засилен со калциум
Чашка од 230мг од овој вид на сок има 350мг калциум, а пред да го пиете задолжително протресете го бидејќи калциумот може да се има наталожено на дното.