Храната која помага за подобро спиење го смирува телото, наместо да го стимулира. Мелатонинот (хормонот кој го регулира циклусот на спиење и будење) и серотонинот (хемикалија која е природен стабилизатор на расположението) се двата клучни невротрансмитери витални за заспивањето и за подобрениот квалитет на спиењето.
За да се активира спиењето и смирувањето, треба да се одбере храна богата со мелатонин, триптофан (есенцијална амино киселина која му помага на телото да креира мелатонин и серотонин), и витаминот Б6 (кој исто така помага за создавање мелатонин).
Еве која храна ќе ви помогне подобро да спиете:
1) Бадеми
Бадемите се богати со магнезиум и се одлични „грицки“ за пред спиење. 30гр. Бадеми содржат 80 милиграма магнезиум, или 20% од дневната вредност – а истражувањата покажуваат дека магнезиумот помага за релаксирање на мускулите и полесното заспивање.
2) Банани
Бананите се богати со магнезиум и калиум, а содржат и триптофан. Затоа пред легнување добро во овој летен период добро „легнува“ смути со банана, лед и малку ленено или чиа семе.
3) Грејпфрут
Уште една важна хранлива состојка за заспивање е антиоксидансот ликопен, кој што грејпфрутот го содржи. Покрај спиењето, ликопенот помага и за одржување на здравјето на срцето и коските. Со оваа состојка исто така се богати доматот и лубеницата.
4) Лосос
За добар сон, пробајте лосос богат со витаминот Б6, бидејќи поновите истражувања покажуваат поврзаност помеѓу оваа риба и подобро спиење.
5) Јагоди
Јагодите се природен извор на мелатонин, а навечер во комбинација со јогурт ќе внесете и доза протеин што ќе ве засити.
6) Мисирка
Месото од мисирка е богато со триптофан, па поради тоа најчесто се „обвинува“ за „комата“ која ја предизвикува кога се јаде во поголеми количини.
7) Сладок компир
Слаткиот компир е богат со мноштво хранливи состојки: голем процент на влакна, витамини А, Ц, и Б6, калиум, манган, и малку заситени масти. Не само што јаглехидратите во него помагаат за создавање серотонин, туку содржи и магнезиум и цинк кои синергетски работат на креирање мелатонин.