Dave’s Kitchen: Лажен локум

Многу лесен рецепт за подготовка, а воедно и совршен за разладување во летниот период.

Потребни состојки:

• 400 гр. шеќер
• 2 пудинга од шумско овошје или јагода
• 140 гр. гриз
• 2 литри вода
• 60 гр. кокосово брашно

Начин на подготовка:

Во тенџере на оган ставете 1.5 литар од водата да зоврие.

Во сад на страна промешајте ги гризот, шеќерот, пудингот и 500 мл. вода. Промешајте убаво со жица за матење. Кога водата ќе зоврие ставете ја смесата и мешајте континуирано околу 5 минути додека не добиете густа каша. Префрлете ја смесата во правоаголно тавче кое сте го навлажниле со вода. Оставете комплетно да се излади и да се стегне околу 4 часа. Најдобро е овој рецепт да го подготвите навечер за преку вечер да остане во ладилникот. Потоа пресечете форми по желба и извалкајте ги во кокосово брашно. Послужете ги ладни.

Повеќе рецепти од кујната на Давор пронајдете на неговата FB страна Dave’s Kitchen.