При посетата на други земји, пробувањето на локалната храна и рецепти дефинитивно е голем дел од доживувањето. Но, покрај разните национални јадења, секоја земја и специфични закуски кои се популарни кај туристите:
1) Германија – Leberkäse
Особено популарно во јужниот дел на Германија, ова јадење е вид на месо кое се состои од говедско, свинско месо и сланина, испечени во форма на векна. Локалното население од него прави сендвичи со бел леб, во кои се додава сладок сенф.
2) Австралија – солена пита
Позната и како месна пита, овие мали пити се иконско јадење во Австралија и Нов Зеланд. Како што самото име кажува, се работи за пита со големина на дланка полнета со мелено месо и сос. Разни варијации вклучуваат и печурки, кромид или кашкавал.
3) Мексико – Tamales
Оваа закуска типично се прави од тесто кое се подготвува на пареа обмотано во лушпа од пченка или лист од банана, полнето со месо, кашкавал, овошја, зеленчуци и чили.
4) Турција – Лахмаџун
Лахмаџун е тенко парче тесто (слично на она за пица) намачкано со мелено месо, зеленчук и билки.
5) САД - крофни
Познатите американски пржени крофни ги има во неброено многу варијанти – со шеќерна глазура, чоколадна глазура, полнети со крем, овошје, мармалади, путер од кикирики, месо и др.
6) Грција – коулори
Коулори се ѓевреци прекриени со сусам, крцкави од надвор и тестести од внатре, а обично се полнети со маслинки или фета сирење.
7) Индија – Вада Пав
Oсновата на кулинарската култура во Мумбаи е Вада Пав – пржено „ќофте“ направено од мешавина од леќа, компири и кромид, сервирано во леб со пикантен зачин направен од ситно сецкани овошја или зеленчуци измешани со оцет, зачини и шеќер.
8) Италија – Supplì
Особено популарни во Рим, Supplì се топчиња од ориз полнети со сос од домати и моцарела, кои се потопени во јајца и презла и потоа испржени.
9) Перу – Ceviche
Оваа закуска е свежа, сурова риба потопена во сок од цитрус, често пати со црвен кромид, сечкан зеленчук и чили пиперчиња.
10) Финска – Leipäjuusto
Oва популарно финско сирење е направено од млеко од крава која е тазе отелена, а популарни варијации се и со еленско или козјо млеко. Обично се јаде со нешто слатко, односно џем.