Постои листа од хранливи состојки кои треба да ги консумираме секојдневно за да останеме здрави, а калциумот е една од тие важни состојки кои често пати се занемаруваат, особено кај жените, кои според разни студии внесуваат помалку адекватни количини на калциум во исхраната во споредба со мажите.
Вежбите со тегови се исклучително важни за одржување на силни коски, но за тоа е потребна и здрава исхрана со адекватни количини на калциум кој, меѓу другото, е потребен и за мускулните контракции. Неадекватниот внес на калциум со тек на времето исто така предизвикува и ризик од фрактури на коските.
Одредени нутриционисти велат дека жените треба да внесуваат помеѓу 748 и 968 милиграми калциум дневно, додека според Националниот институт за здравје на САД таа количина изнесува 1000 милиграми.
Храна која е богата со калциум и која би требало редовно да се јаде е: млечни производи, сардини, лосос (со коски), бел грав, сусам, алги, кељ, брокула, бадеми и др. На оваа листа се наоѓаат мноштво работи соодветни и за веганите, така да внесот на калциум не би требало да претставува проблем во никој случај.
Повеќе од 99% калциумот во човечкото тело е во коските и забите и им помага да ја одржат својата цврстина, а исто така е потребен и за правилна функција на нервите и хормоните.