Променете го секојдневното мени и вметнете превкусни, но здрави тортиљи. Ова мексиканско јадење се подготвува за многу брзо време, а ќе го обожава секој член на вашето семејство.
Потребни состојки:
- 1 кг компир (исечен на парчиња)
- 1 лажичка маслиново масло
- 1 лажичка чили
- 1 конзерва црвен грав
- ½ шолја салса сос
- 1 авокадо
- 8 тортиљи
- ¼ шолка фета сирење
Начин на подготовка:
Испечете го компирот, попрскан со маслиново масло, чили и малку сол околу 30 минути на 230°. Во една тава измешајте го гравот и салсата, па гответе на средна температура. Откако состојките ќе бидат готови, наполнете ги тортиљите, а потоа додајте авокадо и фета сирење.