Паста болоњезе често се наоѓа на менито за готвење, токму поради тоа што е вкусна, но и мошне лесна за правење. Сепак, понекогаш правиме некои грешки поради кои пастата или сосот не се толку вкусни колку што треба да се. На што треба да обрнеме повеќе внимание?
Таљатели, а не шпагети
Пастата болоњезе најверојатно е најпопуларното италијанско јадење на светот. И додека повеќето готвачи подготвуваат сос со шпагети, во Болоња, од каде што потекнува рецептот, сите користат таљатели, односно вид на паста која изгледа како пошироки шпагети. На тој начин, повеќе се впива сосот во пастата.
Потопување на тестенините
Италијанците веруваат дека тестенината е кралица на јадењата, а сосот е нејзината круна. Со други зборови, ова јадење не треба да го полиете со еден литар сос, туку само да го размачкате со неколку лажици, сосема доволно за да се измешаат и двата вкуса.
Креативни намирници
Вистинскиот болоњезе сос се готви отприлика час и половина на умерена температура и содржи одредени намирници. Не треба да додавате ништо, ниту пак да одземате.
Кромидот и лукот се пржат на маслиново масло, а откако ќе заруменат им се дадава исечкана сланина. Додајте малку целер и морков. За сосот се користи мелено говедско месо, кое се вари со малку црвено вино и доматен сос. Сосот подоцна се служи со изрендан пармезан.