Секое месо е повкусно кога му додаваме сос. Доколку ви се досадни обичните сосови ви предлагаме три рецепти за сосови, кои совршено би оделе со вашиот ручек. Секогаш можете да го подготвите сосот и да го послужите со лепчиња или чипс, без месо, изборот е ваш.
Chimichurri
Ова е аргентински сос со зачини кој одговара со пилешко, свинско и јунешко месо, но и со јадења со компири и зеленчук
Потребни состојки:
-25гр свеж магдонос
-25гр свеж коријандер
-2 чешчиња лук
-½ чајна лажица кора од лимета
-2 лажици свежо исцеден сок од лимета
-2 лажици маслиново масло
-¼ чајна лажица сол
-¼ чајна лажица мелен црвен пипер
Начин на подготовка: Во блендер измиксајте ги сите состојки, додека не добиете смеса. Сосот ќе биде највкусен кога сите билки се свежи.
Raitа
Станува збор за индиски сос на база на јогурт кој одговара со јунешко месо.
Потребни состојки:
-½ мал кромид
-50гр свеж коријандер
-300мл полномасен јогурт
-2 лажици свежо нане
-¼ чајна лажица мелен коријандер
-2 лажици свежо исцеден сок
-сол и бибер по желба
Начин на подготовка: Кромидот исечкајте го на ситни парчиња, како и листовите од нане и коријандер. Измешајте ги состојките со јогурт и зачинете.
Лут сос од соја
Овој сос е незаменлив дел од азиската кујна и може да се користи во секое јадење.
Потребни состојки:
-6 лажица свеж сок од лимон
-4 лажици растително масло
-2 лажици масло од сусам
-1 лажица готов сос од соја
-2 чајни лажици сусам
-1 чајна лажица чили паста
Начин на подготовка: Измешајте ги сите состојки и послужете ги со јадењето.
Пријатно јадење!