Свежа промена на класичната капрезе салата.
Разнобојна, здрава, брза и лесна за подготовка. Супер идеја да се послужи покрај омилената порција риба или месо.
Потребни состојки:
- 3 средни тиквички
- 5 средни домати
- 1 китка свеж босилек
- ½ лажичка лук во прав
- 1 лажичка сол
- маслиново масло
- 200 гр. свежа моцарела
- мелен црн пипер по вкус
Начин на подготовка:
Тиквичките пресечете ги на половина, премачкајте ги со маслиново масло, посолете и нарусете од лукот во прав. Премачкајте ја огноотпорната тава со маслиново масло и печете ги тиквичките на загреана рерна на 200 степени околу 15 минути.
Во меѓувреме пресечете ги доматите и парчињата моцарела на кругови.
Додека се сè уште топли тиквичките, врз нив наредете по еден круг од доматите и еден круг од моцарелата. Ситно исечкајте го босилокот и декорирајте ја салатата. Нарусете мелен црн пипер и додадете маслиново масло за да ја завршите салатата.
Пријатен апетит!