За време на вежбањето голема количина на крв оди во мускулите, со што се редуцира дотокот на крв во стомакот. Поради оваа причина, стомакот не смее да се „напнува“ и да работи за време на вежбањето, бидејќи тоа може да доведе до болки и останати проблеми.
При посериозна физичка активност не се препорачува да консумирате:
1) Грав
Атлетичарите вегетаријанци кои се прилагодени на исхрана богата со растителни влакна можеби и нема да имаат поголеми проблеми, но кај останатите има шанси големата количина на влакна да предизвика стомачни проблеми за време на вежбањето. Уште поголема причина за вознемирен стомак е и јагленохидратната рафиноза со која гравот е полн, а стомакот не може да ја свари.
2) Зелкасти зеленчуци
Се мисли на брокулата, зелката, карфиолот и прокељот. Иако овие зеленчуци се исклучително здрави и содржат антиканцерогени состојки, содржат и сулфур што може да предизвика гас кај повеќето луѓе. Тие се исто така богати и со рафиноза, па дефинитивно не се препорачуваат пред вежбање.
3) Пржена, масна храна и газирани пијалаци
Пред било каков тренинг избегнувајте масна и пржена храна како хамбургер, помфрит или пица, бидејќи заситените масти кои ги содржат остануваат подолг период во дигестивниот систем и се тешки за варење, што доведува до подуеност, грчеви и дијареја. Газираните пијалаци, пак, предизвикуваат гасови.
4) 100% овошни сокови
Природните сокови содржат јаглехидрати и течности и во исто време се богати со фруктоза. Шеќерот не се вари брзо, а тоа предизвикува стомачни проблеми. Затоа, се препорачува да се консумираат заедно со некое јадење или смути барем еден час пред вежбањето, или по него за рехидрирање.
5) Десерти
Колачи, крофни и сладолед дефинитивно не се препорачуваат за консумирање пред физичка активност, бидејќи скоро сите се богати со разни маснотии (крем, путер и сл.) и шеќери.