Како секој, така и овој четврток за вас имаме одличен рецепт од кујната на Давор.
Вкусни плетени кифлички кои се топат во устата.
Потребни состојки:
- 400 гр. брашно
- 170 мл млако млеко
- 2-1/2 лажички инстант квасец
- 60 гр. шеќер
- 2 јајца
- 60 гр. масло за јадење
- 1 лажиче сол
За премачкување:
- 1 жолчка
- 2 лажици млеко
- сусам
- путер по желба
Начин на подготовка:
Најпрво замесете тесто од сите сотојки и оставете да стаса околу 90 минути.
Поделете го тестото на 12 еднакви делови и секој од тие делови поделете го на половина. Направете две долгнавести ленти и ставете ги една врз друга во форма на крст. Повлечете ги краевите хоризонтално во обратен правец сè додека не се формира убава плетенка.
Оставете ги да стасаат околу 45 минути и премачкајте ги со изматена жолчка и 2 лажици млеко.
Одозгора нарусете сусам и печете на загреана рерна околу 25 минути или додека не добијат убава златно-кафена боја.
Повеќе рецепти од кујната на Давор, можете да погледнете на неговата FB фан страница Dave's Kitchen.