Многумина од нас уживаат и се релаксираат додека готват. Оваа недела Давор од Dave’s Kitchen за вас има нови 3 совети кои ќе ви помогнат во кујната, особено кога приготвувате вкусни печива.
Затоа прочитајте и фатете се за работа.
1.Искористете го максимумот од путерот
Времето станува сè поладно, па најдобриот начин да се забавувате додека сте во кујната е да приготвите вкусни печива. Кога печете некој колач, мафини или торта, тавата треба да биде премачкана со путер или масло за јадење. Доколку во рецептот ставате путер, хартијата во која е спакуван путерот се уште има траги од путер кои се доволни за да го премачкате тавчето. Со оваа техника избегнувате да се извалкате.
2.Користете масло за да не се лепи медот
Доколку во рецептите се бара да користите мед, путер од кикирики или пак јаворов сируп, секогаш садот во кој ги мерите состојките премачкајте го со неутрално масло за јадење. Оваа постапка ќе ви овозможи ништо да не се залепи на садот, а воедно да добиете прецизната мерка.
3.Користете состојки на собна температура
Секогаш кога готвите направете план и состојките оставете ги на собна температура барем 30 минути пред готвењето. Ова особено важи кога се работи за состојки како путер, јајца и млеко. Овие состојки мора да бидат на собна температура бидејќи стегнатиот путер никогаш нема добро да се измати и да се инкорпорира со јајцата ниту со млекото. Со состојки на собна температура секогаш се работи полесно и крајниот резултат е позитивен.