Појадокот е најважниот оброк во денот, па пожелно е да не го прескокнуваме.
Некои експерти советуваат дека многу е поважно да се појадува одколку директно да се префрлиме на ручекот, било да е тоа освежителен смуди напиток или чинија полна со гранола. Доколку сте во тотален хаос и преполни со обврски, имаме одлични и практични идеи за тоа како да подготвите вкусен појадок за помалку од 15 минути.
1. Подгответе смути напиток
Смутито не мора да го испиете веднаш откако ќе го направите доколку го подготвите на правилниот начин. За да го спречите оксидирањето на другите состојки потребно е да додадете сок од лимон. Оваа постапка е важна за да го спречите потемнувањето на блендираното овошје како и губењето на голем број витамини кои се неопходни за правилно функционирање на организмот.
2. Имајте гранола за појадок во чинија
Гранолата е одлична идеја за појадок доколку сте оптоварени со тон работа и не можете да излезете на пауза од вашето работно место. Се што треба да направите е да истурите гранола во чинија и додадете кравјо или растително млеко и појадокот е спремен за уживање.
3.Подгответе aмерикански палачинки
Наутро практикувајте да станете 15 минути порано за да подготвите здрав оброк за во канцеларија. Подгответе си американски палачинки со интегрално брашно кои се одлични во поглед на транспорт и се совршени како и топли така и изладени и консумирани час-два по нивната подготовка.
4. Подгответе салата
Сакате здрав и брз оброк кој ќе го подготвите од вечер за да го консумирате следното утро? Киноа салатата е одличен рецепт за вас. Не само што ќе јадете здрав и вкусен оброк полн со зеленчук, туку и ќе заштедите на време бидејќи се се случува во еден сад, се мешаат состојките и појадокот е подготвен.
5. Едноставни и вкусни коцки
Овие коцки се енергетска бомба, кои не бараат многу време за да ги подготвите. Се што треба да направите од вечер е да измешајте овес, суво овошје со мед и изблендирани урми, да оставите во ладилник да се стегне и следното утро имате совршен оброк кој ќе ви даде енергија успешно да ги завршите работните обврски во текот на денот.