Како и секој така и овој вторник време е за советите од Давор и Dave’s Kitchen.
Оваа недела прочитајте ги практичните совети кои сме убедени дека ќе ви помогнат при готвење и употреба на мед.
Во рецептите каде што се бара да користите бел шеќер користете цветен и ливадски мед, односно посветол мед. Додека пак кај рецептите кои бараат употреба на кафен шеќер или пак златен сируп користете шумски или боров мед, т.е. потемен мед.
Со користењето на мед во рецептите се добива поубава златно-кафена боја и се подобрува сјајот на колачот или колачите.
За поубава слатка нота кај месото користете глазура направена од мед и малку вода за да го финиширате печеното свинско месо или печената кокошка.
Доколку не сте обожаватели на кристализиранот мед и ви пречи рапавата текстура при консумирањето можете го вратите повторно во течна состојба загревајќи го во микробранова печка.
Додавајќи ½ лажичка сода бикарбона на секои 150 мл. мед, ќе успеете да ја спречите киселкастата нота која понекогаш знае да биде присутна во медот.
За секогаш да го извадите максимумот од медот лажицата премачкајте ја со масло за да го спречите лепењето на медот на неа.
Наместо шеќер, можете да користите мед во подготовката на различни џемови и мармалади.
Доколку ви се допадна оваа статија во прилог прочитајте ги и: Dave’s Kitchen советува: Практични совети за вкусни печива и Dave's Kitchen советува: Практични совети кои ќе ви помогнат во кујната