Чоколадото содржи флавоноиди кои обезбедуваат многу здравствени придобивки. Нив природно ги има во овошјата, зеленчуците, чаевите и црвеното вино и имаат анти-вирусни, анти-алергиски, анти-воспалувачки, анти-канцерогени и антиоксидантни карактеристки.
Еве какви се здравствени придобивки има (умереното) јадење чоколадо:
Го намалува ризикот од срцеви заболувања
Консумирање на какао и храна која го содржи е поврзано со подобрено кардиоваскуларно здравје, за кое што се заслужни флавоноидите. Какаото ја зголемува продукцијата на ендотелниот азотен оксид, супстанца која го промовира ширењето на крвните садови што ја подобрува кардиоваскуларната функција. Покрај намалување на крвниот притисок, тоа го намалува и ризикот од згрутчувања на крвта и го намалува лошиот (LDL) холестерол.
Ја редуцира атријалната фибрилација
Најмалку 2.7 милиони луѓе живеат со атријална фибрилација – нерегуларно отчукување на срцето што може да доведе до згрутчување на крвта, откажување на срцето, мозочен удар и останати здравствени компликации. Студија покажала дека оние кои јаделе умерена количина на чоколадо имале намален ризик од атријална фибрилација.
Го подобрува расположението
Разни студии докажале дека чоколадото го подобрува расположението и смирува. Темното чоколадо ја стимулира продукцијата на ендорфини - хемикалии во мозокот кои го креираат чувството на задоволство – а исто така содржи и серотонин, антидепресив кој го подобрува расположението.
Помага при заштитa на кожата
Истражувањата покажале дека флавоноидите во темното чоколадо помагаат при апсорбција на UV светлината, го зголемуваат крвотокот до кожата и ја подобруваат нејзината текстура и хидратација. Висококвалитетните темни чоколади се богати со флаваноли, кои се борат против воспаленијата и оксидативниот стрес.
Помага при слабеење
Умереното јадење темно чоколадо секој ден е добро за телото и умот, па дури е докажано и дека помага при слабеењето. Флавоноидите помагаат за намалување на инсулинската резистентност, што ги спречува големите промени во нивото на шеќер во крвта, поради што се намалува можноста за прејадување.