Воспаленијата се реакцијата на телото на стресовите – еден вид на аларм кој им јавува на клетките дека постои проблем кој треба веднаш да се реши.
Тој стрес може да доаѓа од исхраната, начинот на живот, околината или некоја инфекција.
Хроничните воспаленија се поврзани со болестите на срцето, преголемата тежина, дијабетесот и скоро секоја друга хронична болест која може да има сериозни или смртоносни последици. Знаењето која храна предизвикува воспаленија, а која се бори против нив е една од најдобрите стратегии за нивното намалување и за поздрав живот.
1) Капини
Капините содржат антоцијанини, состојки кои функционираат како антиоксиданси и ги намалуваат воспаленијата.
2) Прокељ
Овој зеленчук содржи антиоксиданс наречен сулфорафан, кој е поврзан со намалување на воспалителните соединенија, како и на срцевите заболувања и канцерот.
3) Цимет
Покрај подобрувањето на здравјето на мозокот и крвниот притисок, цинамалдехидот (состојка на циметот) е антиоксиданс кој ги намалува воспаленијата.
4) Маслиново масло
Ова масло има многу здравствени придобивки – содржи олеинска киселина која е монозаситена маст поврзана со намалување на воспаленијата.
5) Лук
Органосулфурните состојки во лукот ги инхибираат воспалителните ензими и ја намалуваат продукцијата на молекули кои сигнализираат воспалување во крвотокот.
6) Куркума
Oвој зачин е во тренд и тоа со добра причина. Полн е со куркумин, моќен антиоксиданс кој се бори против слободните радикали, истовремено намалувајќи го нивото на ензими кои предизвикуваат воспаленија.