Готвењето месо може да биде многу комплицирано, но затоа со вас оваа недела споделуваме три клучни совети кои ќе ви помогнат во кујната.
1. Маринирање на месото
Доколку сакате месото да биде помеко кога ќе го консумирате оставете го да одстои во млеко околу 1 час. Доколку сакате дополнително да внесете вкус на месото во маринадата со млеко додадете ситно исечкана мајчина душичка, ситно исчекан лук или друг зачин по ваш вкус. За да бидете сигурни дека вкусот ќе биде побогат наместо, сончогледово масло користете маслиново масло или пак путер.
2.Готвење на месото
Кога месото го печете или пржите користете максимално загреано тавче. На тој начин ќе добиете поостар и побогат вкус. Во текот на готвењето намалете ја температурата за да може внатрешниот дел од месото да се зготви. Најпрво, бидете сигурни дека месото е суво, а доколку не е со помош на кујнски бришач исушете го месото, зачинете го и ставете го загреаната тава. Бидете внимателни да не ја преполните тавата, потребно е помеѓу секое парче месо да има простор од 3-4 цм.
3.Одмарање на месото
Кога месото ќе биде зготвено не го сечете веднаш штом ќе го извадите од жешката тава. Покријте го со алуминиумска фолија и оставете го да одмори барем 10-15 минути. За овој временски период месото се уште ќе биде топло за сервирање, но ќе ги испушти сите сокови кои се задржани во него и ќе предизвикате побогат и посочен вкус.
За повеќе рецепти и идеи од кујната на Давор, можете да најдете на неговиот официјален ФБ профил Dave's Kitchen и неговиот Инстаграм профил.