Оваа недела имаме повторно одличен рецепт од кујната на Давор и Dave's Kitchen.
Феноменални мини чоколадни тортички со ореви е рецептот за кој убедени сме дека ќе ви се допадне.
Потребни состојки:
За филот:
- 300 мл. млеко
- 400 гр. шеќер
- 200 гр чоколадо
- Розен кори
- 200 гр мелени ореви
- 300 гр. мелени бисквити
- 1 лажичка рум
- 250 гр. путер
За чоколадната глазура:
- 100 гр. чоколадо за готвење
- 3 лажици масло за јадење
Начин на подготовка:
Најпрво сварете го млекото со шеќерот, тргнете го на страна и додадете ги путерот и чоколадото. Оставете малку да се излади, па додадете ги мелените ореви и бисквити заедно со румот. По желба додадете кора од портокал.
Наредете една кора во тавче и нанесете 1/7 од филот. Постапката повторете ја додека не го потрошите филот и корите. Ставете го тавчето во ладилник околу 3 часа со даска за да тежи врз корите.
Растопете го чоколадото за готвење заедно со маслото за јадење и промешајте додека не добиете убава растопена чоколадна глазура. Прелијте ја глазурата врз целиот колач и оставете да се стегне уште 10-15 минути во ладилник.
Со загреан нож пресечете ги мини колачињата во посакуваната форма.
Доколку ви се допадна овој рецепт погледнете ги и:
Dave's Kitchen: Есенска пита со јаболка.
Dave's Kitchen: Плтена штрудла со џем
Dave's Kitchen: Пита со јаболка