Се што ни треба оваа есен е одличен куглоф со арома на цимет и јаболка. Причина повеќе да ја вклучиме рерната и да уживаме во домашно подготвен рецепт.
Потребни состојки:
- 4 јајца
- 120 мл. масло за јадење
- 240 гр. растопен путер
- 350 гр. шеќер
- 120 мл. вода
- 1 лажичка екстракт од ванила
- 320 гр. брашно
- 1 лажичка сол
- 2 лажички прашок за печиво
За јаболките:
- 750 гр. јаболка
- 50 гр. шеќер
- сок од 1 лимон
- 1 лажичка цимет
Начин на подготовка:
Најпрво исечкајте ги јаболката на тенки парчиња. Во длабок сад промешајте ги заедно со шеќерот, циметот и сокот од лимон. Во длабок сад со жица за матење изматете ги јајцата заедно со маслото за јадење, растопениот путер, екстрактот од ванила и водата.
Додадете го шеќерот и промешајте. Додадете ги измешаните брашно, сол и прашок за печиво и повторно добро промешајте за да ги соедините сите состојки заедно.
Убаво премачкајте тавче за печење куглоф и додадете ¼ од смесата од куглофот. Потоа додадете 1/3 од исечканата јаболка, па повторно ¼ од смесата за куглофот и се така додека не ги потрошите јаболката и смесата, завршувајќи со смесата за куглофот.
Печете го куглофот во загреана рерна од 160 степени околу 60-70 минути. Оставете комплетно да се излади и декорирајте со шеќер во прав.