Кога ќе се спомене италијанската кујна, првата асоцијација секогаш е на паста и пица.
Сепак, оние кои ја вкусиле италијанската храна се увериле дека оваа кујна е многу повеќе од тоа и крие состојки и вкусови на кои е навистина мошне тешко да им се одолее.
Деновиве имавме можност да ги вкусиме кулинарските деликатеси кои ги приготви познатата готвачка Катерина Чераудо, како дел од Italian Food Days кои се одржуваат од 24-ти до 30-ти ноември во Distrikt Bar & Kitchen.
Чераудо, која е признаена и како најдобрата жена готвач за 2017 година од престижниот магазин „Michelin Guide“, за сите љубители на италијанската храна создаде интересно мени од неколку традиционални јадења со одлична презентација и богат интензивен вкус кој ги надополнува.
Во прилог само мал дел од она што го пробавме и топла препорака доколку имате можност и самите да ги вкусите овие специјалитети.
