Една од најголемите фински компании кои произведуваат храна почнала да продава нешто што вели дека досега никој друг не го понудил – леб од инсекти.
Според компанијата, една векна содржи околу 70 исушени домашни штурци, сомелени во прав и додадени во брашното. Овие штурци пораснати на фарма претставуваат 3% од севкупната тежина на лебот.
За да се подобри вкусот, лебот е крцкав, вкусен и полн со хранливи материи, и е одличен извор на протеин како и масни киселини, калциум, железо и витамин Б12 кои што ги содржат инсектите.
Инаку, финските закони биле сменети на 1-ви ноември за да се дозволи продажба на инсекти како храна.
Сега засега ваквиот леб ќе се продава само во најголемите фински градови, бидејќи сè уште нема доволни количини од брашното од штурци за тоа да биде овозможени низ целата земја.
Инаку, во Швајцарија, ланецот супермаркети „Куп“ (Coop) почнал да продава бургери направени од инсекти во септември, а слични производи можат да се најдат и во Белгија, Англија, Данска и Холандија.
Организацијата за храна и земјоделие на Обединетите Нации ги има промовирано инсектите како извор на храна за луѓето, бидејќи се здрави и богати со протеини и минерали, а многу типови инсекти создаваат помалку гасови штетни за околината и амонијак од повеќето добиток, а побаруваат помалку земја и пари за култивирање.