На 15 декември, со почеток во 19 часот во просториите на книжарницата „Literatura.mk“ на улица Македонија, ќе се одржи промоцијата на првиот готвач на Давор Панчевски, уште попознат како Dave’s Kitchen.
„Гответе насмеани“ е готвач наменет за сите оние мигови кога сакате да го соберете семејството на едно место, да уживате со пријателите, а воедно и да имате другар во кујната кој ќе ви се најде при рака кога ненадејно ќе ви се најават гости.
-Во време кога сите сакаат да зготват нешто на брзина, создадов готвач во кој што се водам од мотото - Минимален труд за максимално задоволство. Изминатава година и половина секојдневно работев за да направам селекција на најдобрите рецепти и да ги спакувам во една убава книга, која се надевам дека ќе им се допадне на љубителите на готвењето, а воедно и на сите оние кои допрва ќе започнат да експериментираат во кујната, вели Панчевски.
За време на промоцијата, посетителите ќе имаат можност да се дружат и да разменуваат совети со Давор, да купат готвач со посвета, а воедно и да вкусат и дел од неговите специјалитети.