Dave’s Kitchen: Лиснати триаголници со јаболка

Лиснатите триаголници со јаболка се идеален рецепт за сите оние ситуации кога сакате да приготвите нешто брзо, а вкусно.

Потребни состојки:

• 500 гр. лиснато тесто
• 4 јаболка излупени и исечкани на коцки
• 1 лажичка цимет
• 1 лажичка мелен ѓумбир
• 2 лажици путер
• 4 лажици шеќер
• 8 лажици џем од кајсии

Начин на подготовка:

Јаболката испржете ги на путер. Додадете ги шеќерот, циметот и мелениот ѓумбир.  Мешајте константно и гответе околу 10-тина минути.

Расукајте го лиснатото тесто и пресечете 8 еднакви коцки. Секоја коцка на едната страна премачкајте ја со џем од кајсии и ставете од изладениот фил. Со помош на дланките притиснете го едниот крај за да оформите триаголник. Постапката повторете ја и со другите парчиња лиснато тесто и преостанатиот фил.

Премачкајте ги со жолчка и шеќер. Печете во загреана рерна на 190 степени околу 20-тина минути.

Повеќе рецепти од кујната на Давор, можете да најдете на неговата официјална FB страница Dave's Kitchen.