Во чест на Божиќните пости Давор од Dave’s Kitchen за вас подготви посен десерт кој и те како ќе ви се најде за дочекот за Новата година или пак за Бадниковата вечер. Тој препорачува посни пиварки кои се многу лесни за подготовка.
Потребни состојки:
- 3 филџани масло за јадење
- 1 1/2 филџан пиво
- 500-600 гр. брашно
- 1 лажичка полна прашок за печиво
За шербетот:
- 3 филџани шеќер
- 3 филџани вода
Начин на подготовка:
Маслото и пивото загрејте ги на оган и оставете да вријат околу 5 минути. Тргнете на страна и изладете ја целата смеса. Додадете го брашното и прашокот за печиво и замесете тесто. Формирајте ги пиварките по ваша желба. Можете да додадете во еден дел од тестото какао за да добиете црни пиварки.
Печете ги во намастени тавчиња околу 15-20 минути на загреана рерна од 180 степени.
Состојките за шербетот ставете ги во тенџере на оган и оставете смесата да зоврие околу 5 минути По желба додадете лимон и ванила. Полејте врз изладените пиварки од врелиот шербет. При презентација нарусете мелени ореви или кокос врз пиварките.