Секојдневно сме сведоци на брзиот начин на живот и немањето време да приготвиме квалитетен оброк за најмладите во семејството. Лесно е да се дадат ситни пари за сендвич или тост за да се нахраниме на брз начин, но на долг рок не ги гледаме штетните последици од оваа постапка.
Прочитајте ги советите што ги има Давор од Dave's Kitchen.
1. Освежете ја чинијата со интересни и декоративни креации
Наместо да го исечкате овошјето и едноставно да го ставите на чинија, искористете ја вашата креативност за да направите интересни креации кои на вашите деца ќе им се допаднат и ќе им се роди желба да консумираат свежо овошје и зеленчук. Направете палми од овошје и гледајте како најмладите восхитено ќе чекаат за ново ремек дело во чинијата.
2. Правете повеќе домашни цедени сокови
Престанете да купувате сокови во тетрапак или пак газирани пијалоци. Купете ги оние овошја и зеленчуци кои се најактуелни во сезоната и подгответе си сами сок. Домашен и природен, со сигурност ќе знаете дека пиете квалитетно и 100% природно. Кога овошјето ќе биде најзрело, пригответе домашни густи сокови кои не се раствараат.
3. Планирајте ги вечерите
Подготвувајте нешто лесно за вечера. Никогаш не оставајте за последен момент што ќе се вечера, бидејќи тогаш доаѓа моментот кога го барате бројчето за достава на пица, за варење на тестенини како најбрза опција да ја решите вечерата или уште полошо да се нурнете во ладилникот во доцните вечерни часови. Згответе ориз или вегетаријанско бурито.