Мораме да признаеме дека една од највкусните состојки со кои можеме да готвиме е чоколадото. Прекрасни десерти, а и по некои солени рецепти може да се подготват со чоколадо.
Давор од Dave’s Kitchen ви претставува неколку совети за тоа како најлесно да се справите со проблемите кои можат да настанат во готвењето кога употребувате чоколадо.
Кога готвите со чоколадо не се брзајте. Имајте го предвид времето потребно за подготовка на рецептите кои содржат чоколадо, бидејќи брзајќи можете да погрешите и на крај да не бидете задоволни од рецептот.
На пример кога готвите со ладен путер и во него додадете растопено чоколадо, смесата може да ви се стврдне и да застанете тука со подготовката на рецептот.
За да добиете комплетен чоколаден вкус, каде што во рецептот е истакнато чоколадото како главна состојка (на пример. чоколаден мус) користете чоколадо со минимум 70% какао делови. За екстра интензивен вкус на чоколадо додадете ½ лажичка инстант кафе.
Кога ќе го топите чоколадото, правете го тоа на пареа и претходно ситно исечкајте го. Доколку сакате да направите чоколадна глазура користете млеко или слатка павлака, но на собна температура. Користете иста количина и чоколадо и слатка павлака (на пр. 150 гр. чоколадо и 150 мл. слатка павлака ).
За повеќе чоколадни и вкусни рецепти посетете го профилот на
Давор и
Dave’s Kitchen.