Релативно лесно е со јадење да се постигнат алармантно високи нивоа на холестерол, но и спротивното – со вистинска храна неговото ниво може и да се намали. Еве која е таа храна:
1) Калинки
Без разлика дали се консумира цела или во форма на сок, калинката го намалува холестеролот со тоа што го забавува неговото наталожување во крвта.
2) Наут
Покрај тоа што е одличен извор на протеин, наутот го намалува „лошиот“ ЛДЛ холестерол за околу 5%.
3) Сливи
Сливите се богати со антоцијанини т.е антиоксиданси кои го намалуваат крвниот притисок и холестеролот. Според една студија, секоја недела јадење по 3 или повеќе парчиња овошје кое ги содржи овие антиоксиданси може да го намали ризикот од срцев удар за 34%.
4) Лук
Лукот не само што го намалува нивото на холестерол, туку е и исклучително лесен за готвење и може да се додаде во скоро секоја храна, особено разни чорби и зготвен зеленчук и салати.
5) Чиа семе
Чиа семето има статус на „супер-храна“ од многу причини, од која една е тоа што е богато со растителни влакна кои откога ќе се внесат во организмот функционираат како сунѓер – впивајќи го холестеролот.
6) Црвен кромид
Овој кромид содржи антоксантини кои го намалуваат крвниот притисок и го забрзуваат метаболизмот.
7) Ореви
Оревите го намалуваат тоталниот и „лошиот„ ЛДЛ холестерол, а за најдобри резултати на ова поле се препорачува нивен дневен внес од околу 60 грама.